JEUGDPRINS 20192018-11-18T11:56:16+00:00

JEUGDPRINS VAN DE GEITEBUK 2019

Prins van de geitenbok 2019 jeugdprins van de geitenbok 2019 thorn, prins jur, prins Jos

Wae gaon uch vuuer ónger miene spreuk:

“EFFE GEIN SJEETE GAME OF BALLE, MÈT DIT JUBILEUM GAON DE GEITEBUKSKES KNALLE

Jeugdprins Jur I

Effe vuuerstèlle:

Ich bèn Jur van de Meulenhof 11 jaor aod. Geboeare in ’t ziekehoes in Wieërt in ’t riek vanne “Rogstaekers” en nao 3 daag vuuer ’t ieërst ’t laevesleecht gezeen in Thoear bie “de Geitebuk”. Mien aojers zeen Aod Prins Marco I en Paula. Ouch höb ich nog eine jongere broor en dae hètj Stef. Ich woean oppe Aoj Trambaan nummer 28.

Door de waek zit ich in groep 8 van basissjoeal “De Kuueningsspil” en in miene vrieje tied doon ich gaer game, voetballe bie FC Maasgouw JO13-1, trómme en sjete bie sjötterie St. Michaël & St. Ansfried. Inne zomermaondje gaon ich ouch gaer mèt mien vrinj vèsse in Thoear aan ‘t “Baggergaat”. Ouch bèn ich groeate fan van Ajax.

Waat aete betruftj, lös ich bienao alles. ’t Leefste höb ich moos mèt braodwoost of eine gehaktjbal, eine pizza salami of lasagne. Ouch ein bótterham mèt pindakieës en hagelslaag slaon ich neet uuever. Witlouf en spruutjes det hoofdj vuuer mich neet.

Den stèl ich ouch gaer mien Adjudante en Kössemeisteres aan uch vuuer.

Miene ieërste Adjudant is Tim Schroën. Hae is eine gooje vrindj van mich, dae óntzettendj gaer voetbaldj en same mèt mich menig eurke achter de playstation zitj óm te game. Hae kumptj oet ein echte vastelaovesfemilie en haet eine groeate hekel aan vreug nao bèd gaon.

Vervolgens stèl ich uch gaer vuuer aan miene twieëdje AdjudantDani v.d. Leeuwen.Ouch hae is eine gooje vrindj van mich, dae ouch gaer voetbaldj en mèt mich ein pötje duit game. Hae is verslaafdj aan voetbaltenues en kan 14 daag aan ein stök lache ómPhilip Geubels. Hae haet eine groeate hekel aan greunte, vreug opstaon en sjoeal.

Den last but not least, mien Kössemeisteres Mijke Hawinkels.Ouch zie is EEN… gooj vriendin van mich en hèltj ouch van voetballe en game. Boete det, klómmeldj ze gaer van alles in-ein. Ze is eine kei in skiën, mer neet mèt vastelaovendj. Vuuer häör allein mer vleis en kieës oppe pizza, want aan Champignons, tomate en paprika haet zie eine hekel.

Zoea noe höb ich ff genóg gekaldj en staon wae te popele, óm der same mèt uch Geitebuk en Geitebukskes eine geweldige vastelaovendj van te make en det doon wae ónger mien motto:

Prins van de geitenbok 2019 jeugdprins van de geitenbok 2019 thorn, prins jur, prins Jos

Contact Info

Anemoonstraat 5 6014 AH Ittervoort

Phone: 06 512 080 78

Web: https://www.degeitebuk.nl/