PRINS 20192018-11-18T12:02:47+00:00

PRINS VAN DE GEITEBUK 2019

Prins van de geitenbok 2019 jeugdprins van de geitenbok 2019 thorn, prins jur, prins Jos

Wae gaon uch vuuer ónger miene spreuk:

6 X 11, VOL GAAS !

Prins Jos II

Effe vuuerstèlle

Ich bèn Jos Nevels 40 jaor, geboeare en getoeage in Thoear. Eine echte thoearse jóng dus. Ich woean same mèt mien vrouw Vivian en mien geweldige kinjer Tim en Liene oppe kruuswaeg. Jóngste zoon van Jan en Karin vanne friettent.

Ich höb ein eige boebedrief (Dus es gae get geboewtj of verboewtj mótj höbbe, effe belle).

Mien hobby’s zeen trainer vanne JO 9-2 van FC Maasgouw en doevemèlker. En es ‘t good waer is, den fiets ich waal ins van terras nao terras.

Gaer wil ich ouch mien Adjudante aan uch vuuerstèlle: Allerieërst, gooje vrindj Dennis Rierink. Oearspónkelijk oet Baoxem, mer waem kèntj hum neet, aaf en toe geit der door de geluidsbarrière. Hae is ein echt fieëstbieëst. Hae is getrouwdj mèt Joyce en ze höbbe 2 prachtige meide, Saar en Eef.

Miene twieëdje Adjudant is gooje vrindj Leike Verstappen. Waem kèntj hum neet, hae stuit midde in ’t verenigingslaeve. Eine persoean woea se op kèns boewe en stuit altied vuuer dich klaor. Hae woeantj same mèt Myriam en de sjoean jónges, Michael en Sem. Häör gezin weurdj op korte termien oetgebreidj mèt de geboearte van ……….

En toet slot miene derdje Adjudant. Miene gooje vrindj Remco Coelen. Paetoeam van mien dochter, eine echte vastelaoves man. Hae waas al Jeugdprins, Adjudant en messjien inne toekomst ………. Hae is getrouwdj mèt Veronique en höbbe same ein prachtige dochter Naomi en verwachte nao de vastelaovendj häör 2dekindje.

Wae vinje ‘t super sjiek det wae dit jaor vuuerop moge gaon. En wie gaaf is ‘t, det wae ‘t jubileumjaor van zoea dun bie mèt moge make. Wae gaon der vuuer en same mèt uch make wae der ein sjoean jubileum jaor van! En det doon wae ónger mien motto:

Prins van de geitenbok 2019 jeugdprins van de geitenbok 2019 thorn, prins jur, prins Jos

Contact Info

Anemoonstraat 5 6014 AH Ittervoort

Phone: 06 512 080 78

Web: https://www.degeitebuk.nl/